အပေါ်မှ ဘာသာစကားများကို သင်တွေ့ပါသလား။ ကျွန်ုပ်တို့သည် ကမ္ဘာ့အသံမှ သတင်းဆောင်းပါးများကို ဘာသာပြန်ခြင်းဖြင့် ကမ္ဘာ့ ပြည်သူသတင်း မီဒီယာကို လူတိုင်း လက်လှမ်းမှီနိုင်အောင် ပြုလုပ်ပါသည်။

ဆက်လက် လေ့လာရန် လင်ဂွါ ဘာသာပြန် စီမံကိန်း  »
အကြောင်းအရာ​များ အားလုံး 

လက်ဘနွန်တွင် အမှိုက်သရိုက် ကပ်ဘေး ပြဿနာကို နည်းလမ်းအဆန်းများနှင့် ဆန္ဒပြ

ရေးသား​သူFaten Bushehri
ဘာသာ​ပြန်​သူJuan Cebu

ဘာသာ​ပြန်​များ

ဤစာပုဒ်​ကို အောက်​ပါ​ ဘာသာ​စကား​များ​တွင်​လည်း ဖတ်​ရှု​နိုင်​ပါ​သည် Malagasy, বাংলা, Español, русский, Ελληνικά, English
ဘာသာ​ပြန်​တင်​ခဲ့​သည့် နေ့စွဲ 29 ဩဂုတ် 2015 14:51 GMT
Some trash should not be recycled. This is a modified version of a sign held up in a protest in Lebanon shared on Twitter by @Beirutspring

အချို့ အမှိုက်တွေက ပြန်မသုံးသင့်ဘူး။ ဆန္ဒပြစဉ်က ကိုင်ဆောင်ထားသော ဆိုင်းဘုတ်ကို ပြင်ဆင်ထားသော ပုံကို Twitter ပေါ်တွင် @Beirutspring မှ ဝေမျှထားသည်။ ပုံထဲတွင် လက်ဘနွန်ရှိ နယ်ပယ်အသီးသီးမှ နိုင်ငံရေးသမားများကိုထည့်ထားသည်။

ပုပ်စော်နံသည်ဟု အဓိပ္ပာယ်ရသော Tol3et Re7atko ခေါ် ရပ်ရွာအခြေပြု လှုပ်ရှားမှုတစ်ခုသည် လက်ဘနွန်တွင် အမှိုက်သရိုက် ကပ်ဘေး ပြဿနာနှင့် ပက်သက်၍သာမက အစိုးရ အုပ်ချုပ်သူများ၏ အဆက်မပြတ် အကျင့်ပျက်ခြစားမှု အလေ့အထများအတွက် အလုပ်ထွက်ပေးဖို့ တောင်းဆိုရန်အတွက် လူအယောက် နှစ်သောင်းကျော်အား လမ်းပေါ်ထွက် ဆန္ဒပြအောင် စည်းရုံးနိုင်ခဲ့သည်။

ဩဂုတ် ၂၂ နှင့် ၂၃ ရက်နေ့တွင် လက်ဘနွန်မြို့တော် ဘေရု (Beirut)၏ ယခုခေတ်သမိုင်းတွင် အကြီးဆုံးဖြစ်သော ဆန္ဒပြပွဲ၌ အသက်အရွယ်ပေါင်းစုံ လူတန်းစားပေါင်းစုံတို့သည် ၎င်းတို့၏ အစိုးရအား သူတို့ ပုပ်စော်နံကြောင်း ပြောပြရန် စုဝေးခဲ့ကြသည်။

လက်ဘနွန်၏ အမှိုက်အရိုက် ကပ်ဘေးသည် ဇွန်လိုင်လ ၁၇ ရက်နေ့တွင် နာမေးမြို့ရှိ နိုင်ငံ၏ အကြီးဆုံး အမှိုက်ဖို့မြေနေရာကို ၎င်း ဒေသခံများက ပိတ်ပစ်ရာမှ စခဲ့သည်။ နိုင်ငံ၏ လူဦးရေတဝက်နေထိုင်ရာ ဘေရုနှင့် ဘက်ကနွန်တောင် တဝိုက်ရှိ လူနေအိမ်များ၏ အမှိုက်သရိုက်များကို ၎င်းမြေနေရာသည် တာဝန်ယူထားရသည်။ ထိုအမှိုက်ပြဿနာအား အစိုးရသည် ဖြေရှင်းနိုင်စွမ်းမရှိတာကြောင့် အမှိုက်များသည် လမ်းပေါ်တွင် တောင်လိုပုံနေကာ လူများအဖို့ မျက်နှာဖုံးများဝတ်ကာ ရှောင်ပြီး လမ်းရှောက်နေရပါသည်။

အောက်တွင် ဖော်ပြထားသော ဓာတ်ပုံများအား -ပုပ်စော်နံသည်- လှုပ်ရှားမှု၏ ဖေ့(စ)ဘုတ် တရားဝင် စာမျက်နှာမှ ကူးယူဖော်ပြထားပါသည်။

Mountains of trash in Beirut. Photograph from the the official Facebook page of "You Stink" movement

ဘေရုရှိ အမှိုက်တောင်များ။ -ပုပ်စော်နံသည်- လှုပ်ရှားမှု၏ ဖေ့(စ)ဘုတ် တရားဝင် စာမျက်နှာမှ ကူးယူဖော်ပြထားသော ဓာတ်ပုံ။

Lebanon's garbage disposed in a hazardous manner, which harms the environment. Photograph from the official page of the You Stink movement

လက်ဘနွန်တွင် အမှိုက်များ နှင့် စွန့်ပစ်ပစ္စည်းများအား ပတ်ဝန်းကျင်ကို ပျက်စီးစေသည့် ဘေးအန္တရာယ်များသော ပုံစုံနှင့် စွန့်ပစ်ထားကြသည်။ -ပုပ်စော်နံသည်- လှုပ်ရှားမှု၏ ဖေ့(စ)ဘုတ် တရားဝင် စာမျက်နှာမှ ကူးယူဖော်ပြထားသော ဓာတ်ပုံ။

ဤပြဿနာသည် နိုင်ငံအတွင်းတွင် ရှိပြီးသား နိုင်ငံရေး မီးပွားများကို လောင်စာ ထည့်ပေးလိုက်သလို ပင်ဖြစ်သည်။ အခြေအနေဆိုးရွားသော အခြေခံအဆောက်အအုံများနှင့် လျှပ်စစ်မီးပြတ်တောက်မှုများ ခံစားနေရသော လက်ဘနွန်သည် သမ္မတ မရှိသည်မှာလည်း ၁ နှစ်ကျော်ပြီ ဖြစ်သည်။ ၂၀၀၉ ခုနှစ်တွင် နိုင်ငံ၏ လွှတ်တော်သည် နိုင်ငံရေးမတည်ငြိမ်မှုကို အကြောင်းပြကာ ရွေးကောက်ပွဲမပြုလုပ်ပဲ သက်တမ်းကို ၂၀၁၇ အထိတိုးရွှေ့ခဲ့သည်။

ဆန္ဒပြသူများသည် နိုင်ငံရေးသင်္ကတများကို ကိုင်ဆောင်ရုံသာမက အဆန်းထွင်သော နည်းလမ်းများဖြင့် အရေးအခင်းကို ဂရုပြုလာအောင် ပြုလုပ်ခဲ့ကြသည်။

အစိုးရ၏ အကျင့်စရိုက်များဟာ သူ့၏ အချစ်ရေးမှာလည်း ပဲ့တင်ထပ်နေလျှင်ကောင်းမှာပဲဟု ဆုတောင်းသလိုဖြင့် လှောင်ပြောင်ထားသော ယောက်ျားတစ်ယောက်၏ ပုံကို ဆော်ဒီ သတင်းသမား အာမက်-အယ်-အုမ္မရမ်က twitter ပေါ်တင် ခဲ့သည်။

လက်ဘနွန်ရဲ့ ဆန္ဒပြတယ့်အထဲမှာ အကောင်းဆုံး ဆိုင်းဘုတ်လား။

ရာနာ ဟာဘီကတော့ သူအတွက် ရီရပြီး ထုံးစံအတိုင်းလုပ်နေကျ လက်ဘနွန်အချို့၏ ဓာတ်ပုံများကို  ဝေမျှထားသည်။ အချို့ယောက်ျားများသည် ဆန္ဒပြပွဲသို့ ဝတ်စုံများဝတ်ကာ  သူတို့ပြောပြချင်သော အချက်များအား ပုံဖော်ကြသည်။

ဒီပုံတွေထဲမှ အမျိုးသားတစ်ယောက်ကတော့ ဘေရုမှာ ပြန့်နေသော အမှိုက်ပုံရဲ့ အနံ့ဟာ ဘယ်လောက်ပြင်းထန်သည်ကို ပြရန် ဒီလိုဝတ်လာရခြင်းဖြစ်သည်။

ဆန္ဒပြသူတစ်ယောက်ကတော့ ခပ်တင်းတင်း ကြေညာချက်တစ်ခုနှင့် လက်ဘနွန်မှ နိုင်ငံရေးသမားများကို လက်ဘနွန် လိင်ရုပ်ရှင်သရုပ်ဆောင်တစ်ဦးနှင့် နှိုင်းယှဉ်လိုက်ပြီး ထိုသရုပ်ဆောင်သည် နိုင်ငံရေးသမားများထက် ပို၍ဂုဏ်ရှိသည်ဟု ရေးသားထားသည်။

မီယာခါလီဖာ က နိုင်ငံရေးသမားတွေထက်ပို ဂုဏ်ရှိတယ်။ 😂 @miakhalifa ကြားလား။

အခြား လူမှု ကွန်ယက်တွေပေါ်မှာတော့ အောက်မှ ပုံများကဲ့သို့ အဆန်းထွင်ထားသော ပုံများကို လူတွေက လဲလှယ်နေကြပါသည်။

"Either you leave, or we won't give birth. #YouStink"

“မင်းတို့ ထွက်သွားရင် ထွက်သွား၊ မဟုတ်ရင် ငါတို့ ကလေးမမွေးဘူး။ #YouStink” (Source: Unknown)

ယက်စမင်း ဘဲလောက်သည် သူ့အတွက် ဆန်းတယ်ဟု ထင်သော ဓာတ်ပုံကို ဝေမျှထားသည်။ ဆိုင်းဘုတ်တွင်  ရေးသားထားသည်မှာ -ကျွန်ုပ်တို့တွင် ကြက်သား နှင့် ကြက်သွန် အသားညှပ်ပေါင်မုန့်ရှိသည်၊ ကျွန်ုပ်တို့ကို ပေးဝင်မလား။-

ဟားဟားဟားဟား။ ငါတို့ လူတွေရဲ့ အဆန်းထွင်နိုင်ပုံကိုတော့ ကြိုက်တယ်ဟေ့။

ဆန္ဒပြပွဲကို လူတိုင်းပါခဲ့ကြတယ်လို့ ပြောလျှင် တကယ်ကို လူတိုင်းပါတာပါ၊ ရုပ်ရှင် ဇာတ်ကောင်တွေလည်း အပါအဝင်ပေါ့။

ဘတ်မန်းလည်း ကျွန်တော်တို့ကို တနေရာမှာ လာပေါင်းပါတယ်။

နောက်ရက်တွင်လည်း ဆန္ဒ ဆက်လက်ပြမည့် အစီအစဉ် ရှိနေသေးတာကြောင့် လက်ဘနွန်မှ လာမည့် သတင်း တင်ဆက်မှု အသစ်ကို ဆက်လက်ဖတ်ရှုဖို့ နားစွင့်ထားပါ ခင်ဗျာ။

အမျိုးအစားများ

ဒေသ​များ
အကြောင်းအရာ​များ
Creative Commons License
ရေးသား​သူFaten Bushehri
ဘာသာ​ပြန်​သူJuan Cebu

လတ်တလော အရှေ့​အလယ်​ပိုင်း​နှင့် မြောက်​အာဖရိက မှ သတင်းများ

ဆက်​လက် ဖတ်ရှု​ရန် »

လတ်​တ​လော ရေးတင်​ထား​သည့် သတင်း ဆောင်းပါးများ

ဆွေးနွေး​ပြောဆို​ခြင်း​ကို စတင်​ရန်

စာရေး​သူ​များ၊ ကျေးဇူးပြု​၍ ဝင်​ရန် »

လမ်း​ညွှန်​ချက်​များ

  • မှတ်ချက်​များ​အားလုံး​ကို ကြီးကြပ်​သူ​တစ်​ဦး​က ဖတ်​ရှု​စစ်ဆေး​ပါ​သည်။. မှတ်ချက်​များ​ကို တစ်​ကြိမ်​ထက် ပို​မ​ပေး​ပါ​နှင့်၊ မဟုတ်​လျှင် မ​လို​အပ်​သော​စာ​အဖြစ် သတ်​မှတ်​ခြင်း​ခံ​ရ​ပါ​မည်။.
  • အခြား​သူ​များ​ကို လေး​လေးစား​စား ဆက်ဆံ​ပေး​ပါ။. လူ​မျိုး​ရေ၊ ဘာသာ​ရေး​နှင့် လိင်​ပိုင်း​ဆိုင်​ရာ တိုက်ခိုက်​မှု​များ​ပါဝင်​သည့် မှတ်ချက်​များ​ကို အတည်ပြု​ပေး​လိမ့်​မည် မဟုတ်​ပါ။.

ဤ​စာ​မျက်နှာ​သည် Creative Commons Attribution 3.0 အရ ခွင့်​ပြု​ချက် ရ​ယူထား​ပါ​သည်။ Creative Commons License Some Rights Reserved