သတင်းဆောင်းပါးများ သတင်းတိုများ
ထိုင်း၊ မယ်ဝန်ဆည်ကို ရပ်တန့်ရေး တောင်းဆိုလှုပ်ရှားမှု
ဒီရူးနှမ်းတဲ့ ဆည်စီမံကိန်းကို ရပ်ပေးပြီး မယ်ဝန်အမျိုးသားဥယျာဉ်က တန်ဖိုးရှိတဲ့ ကျားမျိုးနွယ်တွေကို ထိန်းသိမ်းပေးပါ။ ဒီအဆိုတင်သွင်းချက်ကတော့ မျိုးတုံးတော့မယ့် ကျားမျိုးနွယ်တွေကို ကာကွယ်ဖို့အတွက် မယ်ဝန်ဆည်စီမံကိန်းကို ရပ်ဖို့အတွက် ထိုင်းအစိုးရကို တောင်းဆိုတဲ့ လှုပ်ရှားမှုကပဲ ဖြစ်ပါတယ်။
အာဖရိကအတွင်း တရုတ်လက်နက်များ အလွန်အမင်းများပြားနေ
အာဖရိကမှာရှိတဲ့ တရုတ်က ဒီဘိုရာ ဘရောတီဂမ်က အာဖရိကနိုင်ငံတွေကို တင်သွင်းတဲ့ တရုတ်လက်နက်တွေအကြောင်း နောက်ခံအချက်အလက်တွေကို ဖော်ပြသွားပြီးတော့ လက်နက်ရောင်းဝယ်ဖောက်ကားမှုရဲ့ အဓိကအပိုင်းက ပုဂ္ဂလိကနယ်ပယ်ကဖြစ်တယ်လို့ ရှင်းပြသွားပါတယ်။ လူတိုင်းသိတဲ့ လစ်ဗျားကိစ္စမှာ ကျွန်တော်တို့ တွေ့ခဲ့ရသလိုပဲ သူတို့ကိုယ်ပိုင် စာရင်းဇယားတွေနဲ့ တရုတ်ကုမ္ပဏီတွေက “ကမ္ဘာ့အနှံခြေဆန့်”နေပြီးတော့ လက်နက်တင်ပို့ရေး ဆုံးဖြတ်ချက်တွေနဲ့ ရောင်းချရေးတွေကို လုပ်နေပုံပါပဲ။
ဘရာဇီး၊ (၁၃)နှစ်သမီးက ဖေ့(စ်)ဘွတ်(ခ်)ပေါ်တွင် ကျောင်းမှ ပြဿနာများကို ထုတ်ဖော်
ဘရာဇီးနိုင်ငံ ဆန်တာ ကာတာရီနာမြို့က (၁၃)နှစ်သမီး အီဆာဒိုရာ ဖေဘာဖန်တီးထားတဲ့ ဒီယာရီအို ဒယ် ကလယ်စီ [pt]လို့ခေါ်တဲ့ ဖေ့(စ်)ဘွတ်(ခ်)စာမျက်နှာက ကြိုက်သူပေါင်း (၁၇၆၀၀၀) ရရှိသွားပါပြီ။ အစိုးရကျောင်းတွေရဲ့ အမှန်တရားကို ထုတ်ပြဖို့ ရည်ရွယ်ပြီး အီဆာဒိုရာက သူ့ကျောင်းမှာ ပြင်ဖို့လိုတဲ့ နေရာတွေနဲ့ တခြားအထွေထွေပြဿနာတွေအကြောင်း သတင်းပို့ခဲ့ပါတယ်။
မော်ရိုကို၊ ရမန်ဒန်တွင် အစားစားသူအား ထောင်ဒဏ်ချမှတ်
ရာဘတ်မြို့မှာရှိတဲ့ တရားရုံးက မူဆလင်တွေရဲ့ ရာမဒန်ဥပုသ်လအတွင်းမှာ လူအများရှေ့ အစာရှောင်ဖို့ ပျက်ကွက်ခဲ့တဲ့အတွက် လူငယ်တစ်ယောက်ကို ထောင်သုံးလချလိုက်ပါတယ်။ “[တစ်ဦးချင်းစီရဲ့ လွတ်လပ်ခွင့်]၊ မဝေးတော့တဲ့ အနာဂတ်မှာ အကာအကွယ်ရဖို့ မျှော်လင့်လို့ မရတဲ့ အခွင့်အရေး” လို့ သတင်းပို့သူ ယာဘီလာဒီ[fr]က ဝမ်းနည်းစွာဆိုပါတယ်။
ဖိလစ်ပိုင်၊ ပလပ်စတစ်မသုံးရ နေရာပြ မြေပုံ
ဂူဂဲ(လ်)မြေပုံစာမျက်နှာတစ်ခုက စီးပွားရေးလုပ်ငန်းတွေမှာ ပလပ်စတစ်အသုံးပြုတာကို တားမြစ်ထားတဲ့ ဖိလစ်ပိုင်နိုင်ငံထဲက မြို့တွေနဲ့ မြို့နယ်တွေကို ပြထားပါတယ်။
ယီမင်၊ လုံခြုံသောလမ်းများ လှုပ်ရှားမှု၏ ပထမဆုံး စာအုပ်
ယီမင်လူမျိုးတွေရဲ့ လမ်းပေါ်က အနှောင့်အယှက်တွေကို ဆန့်ကျင်တဲ့ လုံခြုံသောလမ်းများ လှုပ်ရှားမှုက သူတို့ရဲ့ ဖေ့(စ်)ဘွတ်(ခ်)စာမျက်နှာပေါ်မှာ နိုင်ငံတွင်းမှာ လိင်အကြမ်းဖက်နှောင့်ယှက်မှုတွေကို တားဆီးဖို့ စာအုပ်အသစ်တစ်အုပ်ထုတ်တဲ့အကြောင်းကို တင်ထားပါတယ်။
ထိုင်း၊ မြန်မာ ရွှေ့ပြောင်းအလုပ်သမားများထံမှ မင်္ဂလာဆောင်ကြေး ရဲများတောင်းခံ
ထူးချစ်က ထိုင်းနိုင်ငံမှာရှိတဲ့ မြန်မာရွှေ့ပြောင်းအလုပ်သမားတွေဆီကနေ ထိုင်းရဲတွေက တရားမဝင် မင်္ဂလာဆောင်ကြေး ကောက်ခံတဲ့အကြောင်းကို ရေးသွားပါတယ်။
ဟောလိဝု(ဒ်)၏ အနာဂတ်ရန်သူများ၊ မြောက်ကိုရီးယားနှင့် တရုတ်
မြောက်ကိုရီးယား နည်းပညာဘလော့(ဂ်)က “တရုတ်ပြည်ကို သိက္ခာချတဲ့ စစ်အေးတိုက်ပွဲရုပ်ရှင်ကို ပြန်ရိုက်ကူးခြင်း”လို့ တရုတ်မီဒီယာတွေအနေနဲ့ ကြေညာထားတဲ့ ဟောလိဝု(ဒ်)ရုပ်ရှင်ရဲ့ ကြိုထွက်လာတဲ့ ဇာတ်ညွှန်းတွေနဲ့ ဓာတ်ပုံတွေအကြောင်း ရေးသားခဲ့ပါတယ်။
တရုတ်၊ အမေရိကန်ပြည်ထောင်စု၊ တရုတ်နှင့် အမေရိက စားသုံးသူများအကြားမှ ကွက်လပ်
အမျိုးသားလက်ဖက်ရွက် (ဘလော့(ဂ်)အမည်) ရဲ့ ဒေးဗစ် ဝါတိုင်း(မ်) က တရုတ်နဲ့ အမေရိက စားသုံးသူတွေရဲ့ကြားက ကြီးမားတဲ့ ကွာခြားချက်အကြောင်း ပြောပြတဲ့ သတင်းရုပ်ပုံကားတစ်ခုကို ဘာသာပြန်ခဲ့[en]ပါတယ်။
ဘူတန်၊ လျှံပယ်လာသော အမျိုးသမီးတို့၏ ပါရမီ
ဘူတန်ဘလော့(ဂ်)ရဲ့ စာရေးသူများအဖွဲ့က တန်ဇီနီအက်(စ်)တက ဘူတန်မှာရှိတဲ့ အမျိုးသမီးတွေရဲ့ လတ်တလောအောင်မြင်မှုတွေကို အောင်ပွဲခံခဲ့ပါတယ်။ ပထမဆုံးအနေနဲ့ အမျိုးသမီး ဒဇွန်ဒါ (အုပ်ချုပ်သူ)တစ်ယောက်ကို ရွေးကောက်တင်မြှောက်ခဲ့ပြီးတော့ ဘူတန်တရားရုံးချုပ်မှာလည်း အသစ်ခန့်အပ်ထားတဲ့ အမျိုးသမီး တရားသူကြီးတစ်ယောက် ရှိနေပါတယ်။ ဘူတန်ရဲ့ အကျင့်ပျက်ခြစားမှုတိုက်ဖျက်ရေးကော်မရှင်ကို အမျိုးသမီးတစ်ယောက်က ဦးဆောင်နေပါတယ်။ ပြီးတော့ ၂၀၁၂ လန်ဒန်အိုလံပစ်မှာ ဘူတန်ကို ဘယ်သူတွေကိုယ်စားပြုခဲ့လဲ မှန်းကြည့်ပါဦး။ ကိုယ်စားပြုသူအကုန်လုံးက အမျိုးသမီးတွေပဲ ဖြစ်ပါတယ်။
