Global Voices (ကမ္ဘာ့အသံ) မြန်မာနိုင်ငံမှ ဧရာဝတီနှင့် ပူးပေါင်းဆောင်ရွက်

irrawaddy newsမြန်မာနိုင်ငံသည် ခေတ်မှီ ဒီမိုကရေစီ နိုင်ငံတစ်ခုအဖြစ် ရောက်ရှိအောင် ပြုပြင်ပြောင်းလဲမှုများ ပြုလုပ်နေသည့်လျှောက် ယခုအချိန်သည် စိတ်ဝင်စားစရာကောင်းသော အချိန်ဖြစ်လှပေသည်။ စစ်အစိုးရ အုပ်ချုပ်မှုလက်အောက်တွင် နှစ်ငါးဆယ်ကျော် ကြာရှိနေခဲ့သော နိုင်ငံတစ်ခုအတွက် ခက်ခဲသော အကူးအပြောင်းဖြစ်သော်လည်း နိုင်ငံတကာ အသိုင်းအဝန်းအနေဖြင့် ပြုပြင်ပြောင်းလဲမှု အတွက် ဆက်လက်တိုက်တွန်းရန် လိုပေမည်။

နိုင်ဝင်ဘာလတွင် မျှတ၍ သန့်ရှင်းသော ရွေးကောက်ပွဲများ ပြုလုပ်မည်လော။ စစ်တပ်ကျောထောက်နောက်ခံ အစိုးရသည် နိုင်ငံတကာ ရင်းနှီးမြှပ်နှံမှုကို ဆက်လက် ကြိုဆိုမည်လော။ လူမျိုးနှင့် ဘာသာရေး ပဋိပက္ခများ အကြား စည်းလုံးမှု နှင့် ငြိမ်းချမ်းမှုတွေ ရရှိရန် အစီအစဉ်များသည် အဘယ်နည်း။

မြန်မာနိုင်ငံတွင် ယနေ့ ဖြစ်ပေါ်နေသော အကြောင်းအရာများနှင့် ပက်သက်သော ကျွန်ုပ်တို့၏ သတင်းပေးပို့ချက်များ ပိုမိုကောင်းမွန်စေရန် ကမ္ဘာ့အသံသည် သမရိုးကျမဟုတ်သော သတင်းအချက်အလက်များကို ပေးပို့နေသော မြန်မာနိုင်ငံ၏ ထိပ်တန်း မီဒီယာ အဖွဲ့အစည်းတစ်ခုဖြစ်သော ဧရာဝတီ နှင့် ပူးပေါင်းလိုက်ပါသည်။

ဧရာဝတီ သတင်းဌာနကို ၁၉၉၃ ခုနှစ်တွင် ထိုင်းနိုင်ငံတွင် တိမ်းရှောင်နေသော မြန်မာ ဂျာနယ်လစ်များမှ တည်ထောင်ခဲ့ပါသည်။ သမိုင်းဝင် ၁၉၈၈ ဒီမိုကရေဒီ တော်လှန်ရေးတွင် ကြုံတွေ့ခဲ့ရသော၊ ပါ၀င်ခဲ့ကြသော၊ မှတ်တမ်းတင်ခဲ့သော သူများပါ၀င်ဖွဲ့စည်းခဲ့ပါသည်။

ဧရာဝတီ မဂ္ဂဇင်းသည် မည်သည့် နိုင်ငံရေးအတိုက်အခံပြု အဖွဲ့အစည်းများ နှင့် နှီးနွယ်မရှိ အမှီအခိုကင်းသော ပထမဆုံးသော သတင်း ထုတ်ဝေမှုဖြစ်သည်။ ဧရာဝတီ၏ ဆန်းစစ်ဝေဖန်ရေးသားမှုများကြောင့် မြန်မာ စစ်အစိုးရမှ ပိတ်ပင်ခဲ့ပြီး မည်သူမဆို မဂ္ဂဇင်းအား လက်ဝယ်ရှိပါက ဖမ်းဆီးထောင်ချ ခံရနိုင်သည်။

၂၀၀၀ ခုနှစ်တွင် ဧရာဝတီ ၀က်ဆိုဒ်ကို စတင်ခဲ့ပြီး မြန်မာနိုင်ငံအတွင်းရှိ အင်တာနက်တွင် ချက်ချင်း အပိတ်ခံခဲ့ရကာ ၁၁ နှစ်ကြာ ကြည့်ရှုရန် မရနိုင်ပါ။ ၂၀၁၁ တွင် မီဒီယာများအပေါ်တွင် တားဆီးပိတ်ပင်မှုများ လျှော့ချလိုုက်သောအခါ ဧရာဝတီ ၀က်ဆိုဒ်သည် မြန်မာ အင်တာနက် စာဖတ်သူများအတွက် လက်ကမ်းမှီလာပါသည်။ နောက်ဆုံး ၂၀၁၃ ခုနှစ် မှာတော့ ပုံနှိပ် မဂ္ဂဇင်းများသည် တရားဝင် ပြည်တွင်းတွင် ဖြန့်ဝေခဲ့ပါသည်။

စတင်တည်ထောင်စဉ်ကတည်းမှ ဧရာဝတီသည် ပြည်သူလူထုအား ဒီမိုကရေအတွက် ရပ်တည်ချက် တစ်ပိုင်းတကဏ္ဍ အနေဖြင့် သမရိုးကျ မီဒီယာများ ဖော်ပြလေ့မရှိသော အမြင်သစ်သတင်းများကို တစိုက်မတ်မတ် ပေးပို့လာခဲ့သည်။ လွတ်လပ်သော စာနယ်ဇင်းသည် ဒီမိုကရေစီ၏ မုချလိုအပ်သည်ဟု ဧရာဝတီမှ ယုံကြည်သည်။

We have a strong belief in democracy, and believe that without free media a democratic society is incomplete. It is our duty to protect and preserve press freedom and develop independent media free from bias and influences.

ကျွန်တော်တို့သည် ဒီမိုကရေဒီကို အပြည့်အဝ ယုံကြည်ပါသည်။ ထို့အပြင် လွတ်လပ်သော မီဒီယာမရှိပါက ဒီမိုကရေဒီ လူ့အဖွဲ့အစည်းတစ်ခုသည်လည်း ပြီးပြည့်စုံမှုမရှိပါ။ လွတ်လပ်သော သတင်းလောကအား ထိန်းသိမ်းပြီး ဘက်လိုက်မှုနှင့် လွှမ်းမိုးမှုမရှိသော အမှီအခိုကင်းမီဒီယာကို ဖွံ့ဖြိုးရန် ပြုလုပ်ဖို့မှာ ကျွန်ုပ်တို့၏ တာဝန်ဖြစ်ပါသည်။

Global Voices (ကမ္ဘာ့အသံ)၏ တစိတ်တပိုင်းအနေနှင့် ကျွန်ုပ်တို့သည် ဤပူးပေါင်းဆောင်ရွက်မှုကို လက်ခံဆောင်ရွက်ရန်ကို ၀မ်းမြောက်မိပြီး ကျွန်ုပ်တို့၏ စာဖတ်သူများအား မြန်မာပြည်မှ ပိုမိုကောင်းမွန်ပြီး စိတ်အားထက်သန်စေသော သတင်းများ ပို၍ ယူဆောင်ပေးရန် ဖြစ်ပါတော့သည်။

လတ်တလော အရှေ့အာရှ မှ သတင်းများ

လတ်​တ​လော ရေးတင်​ထား​သည့် သတင်း ဆောင်းပါးများ

Exit mobile version