- Global Voices မြန်မာ - https://my.globalvoices.org -

မလေးရှား နိုင်ငံရေးသမားများ ပြောသည့် လန့်စရာစကား (၈)ခွန်း

အမျိုးအစားများ: အရှေ့အာရှ, မလေးရှား, နိုင်ငံရေး, ပြည်သူသတင်း, ဟာသ

ဘာလစ်(ခ်) စိနသည် မလေးရှားနိုင်ငံ​ရေးသမားများ ပြောသည့် ရယ်ရပြီး လူမုန်းများသည့် ကော [1]က်နုတ်ချက်အချို့အား စုစည်းတင်ပြ [2]သည့် ဝက်(ဘ်)စာမျက်နှာ အသစ်တစ်ခု [3]ဖြစ်သည်။

ထိုဆိုက်တွင် ဖော်ပြထားသည့် ကောက်နုတ်ချက်အများစုသည် အင်တာနက်ပေါ် နေထိုင်ကြသူများက ပေးပို့ထားကြခြင်း ဖြစ်သည်။ ထိုကောက်နုတ်ချက်များကို သက်ဆိုင်ရာ ဖြစ်ရပ်တစ်ခုစီအား အသေးစိတ်ရှင်းပြထားသည့် သတင်းစာမျက်နှာများနှင့် ချိတ်ဆက်ပေးထားပါသည်။

ဘာလစ်(ခ်)စိနသည် မလေးရှားတွင် မကောင်းသတင်းဖြင့် ကျော်ကြားသည့် ကောက်နုတ်ချက်စကားတစ်ခု ဖြစ်သည်။ ထိုဝက်(ဘ်)ဆိုက်အား ဘာလစ်(ခ်)စိနဟု အမည်ပေးရခြင်း အကြောင်းရင်း [4]မှာ၊

ဘာလစ်(ခ်)စိနဆိုသည့် မလေးဘာသာစကားအား တိုက်ရိုက်ဘာသာပြန်လျှင် “တရုတ်ပြည်သို့ ပြန်သွား”ဟု အဓိပ္ပာယ်ရသည်။ ဘာလစ်(ခ်)စိနဟူသည့် အသုံးအနှုန်းမှာ ၂၀၁၃ခုနှစ် ဇူလိုင်လက ရှတ်အလမ် အထက်တန်းကျောင်းရှိ ကျောင်းအုပ်က စတင်သုံးစွဲခဲ့ခြင်းဖြစ်သည်။ ထိုအသုံးအနှုန်းနှင့် အခြားဆင်တူသည့် သဘောရှိသည့် အသုံးအနှုန်းများသည် ထိုစဉ်ကတည်းက မလေးရှားတွင် ရေပန်းစားလာခြင်းဖြစ်သည်။ မလေးရှားနိုင်ငံရေးသမားများက ၄င်းအသုံးအနှုန်းကို မပျောက်ပျက်သွားရစေရန် ပြောဆိုသုံးနှုန်းနေကြရာမှတစ်ဆင့် အကြံရပြီး ကျွန်ုပ်တို့၏ နိုင်ငံရေးလွင်ပြင်ရှိ စိတ်လှုပ်ရှားဖွယ် တိုးတက်ဖြစ်ထွန်းမှုများအားလုံးကို မှတ်တမ်းတင်နိုင်ရန် BalikCina.comကို ကျွန်ုပ်တို့ စတင်ခဲ့ခြင်းဖြစ်သည်။

ဘာလစ်(ခ်)စိနသည် မလေးရှားလူမျိုး နိုင်ငံရေးသမားများနှင့် နိုင်ငံကျော်များ၏ လှပပြီး စိတ်အားတက်ကြွဖွယ်ေကာင်းသော ကောက်နုတ်ချက်များအားလုံးကို အကောင်းဆုံး စုစည်းထားနိုင်ရန် ရည်ရွယ်သည်။

New Forwardမှ အိုက်ဇယ်(လ်) အဇလီက ထိုဝက်(ဘ်)ဆိုက်အား သုံးသပ်ခဲ့ပြီး မလေးရှားနိုင်ငံရေးသမားများသည် ယုတ္တိမတန်ဘဲ ရယ်ဖွယ်ကောင်းသည့် ထုတ်ပြန်ချက်များကို မကြာခဏထုတ်ပြန်လေ့ရှိကြောင်း အတည်ပြုခဲ့ [5]သည်။

မလေးရှားနိုင်ငံရေးသမားတွေက ကြောင်တောင်တောင်စကားတွေကို ပြောလွန်းတော့ ကျွန်တော်တို့တွေမှာ လိုက်မီဖို့တောင် အခက်အခဲဖြစ်လာရတယ်။ စကားတစ်ခွန်းထွက်လာလိုက်လို့ ရယ်လို့တောင် မပြီးသေးဘူး နောက်တစ်မျိုးက အင်တာနက်ပေါ်မှာ ပျံ့နေပြီ။ အဲလိုတွေဖြစ်လွန်းတော့ ကျွန်တော်တို့ ရယ်ခဲ့ရတာတွေရဲ့ တစ်ဝက်လောက်ကိုတောင် ကောင်းကောင်း မမှတ်မိနိုင်တော့ဘူး။

အောက်တွင်ဖော်ပြထားတာတွေဟာ ပြီးခဲ့သည့်နှစ်များတွင် မလေးရှားနိုင်ငံရေးသမားများ ပြောဆိုခဲ့သည့် မှတ်သားဖွယ်ရာ နှင့် ထိတ်လန့်ဖွယ်ရာ အသံများအနက် ရှစ်ခွန်းဖြစ်သည်။

၁။ ပြည်ထောင်စု အိုးအိမ်ဝန်ကြီး တန်ကု အက်ဒနန် တန်ကု မန်ဆာသည် အိမ်ရာစျေးနှုန်းများအား အမျိုးသမီးများနှင့် နှိုင်းယှဉ်ခြင်း [6]ဖြင့် အငြင်းပွားဖွယ်ဖြစ်အောင် ပြုလုပ်ခဲ့သည်။ ၄င်းသည် ထိုအချိန်ကတည်းကပင် သူ့မှတ်ချက်များအတွက် တောင်းပန်ခဲ့သော်လည်း ၄င်းပြောခဲ့သည်တို့အား မှားယွင်းကောက်နုတ်သည်ဟု မီဒီယာများကို အပြစ်တင်ခဲ့သည်။

makeup [7]

မိန်းမတွေဆိုတာ အိမ်ခြံမြေတွေလိုပဲ။ မိတ်ကပ်လိမ်းထားရင် စျေးတက်တယ်၊ မိတ်ကပ်မလိမ်းထားရင် စျေးကျတယ်။

၂။ မလေးရှားတွင် အထင်ရှားဆုံးနဲ့ အများဆုံးသုံးသည့် လူမှုကွန်ယက်အသုံးပြုသူ ဝန်ကြီးချုပ် နာဂျစ် ရာဇက်(ခ်)က ဖေ့(စ်)ဘွတ်(ခ်) တည်ထောင်သူ မာ့(ခ်) ဇကာဘက်နဲ့ တွေ့ဆုံခဲ့သော ဓာတ်ပုံတစ်ပုံကို တင်ခဲ့သည်။ သို့သော ၄င်း၏အတွေးထဲတွင် တွစ်တာဌာနချုပ်သို့ ရောက်နေခဲ့သည်ဟု ထင်ခဲ့ပုံရသည်။

najib_fb [8]

မနေ့က မာ့(ခ်) ဇကာဘက်နဲ့ တွစ်တာဌာနချုပ်မှာ စကားကောင်းကောင်း ပြောခဲ့ရတယ်။

၃။ မိုဟာမက် ပွက် ဇာကာရှီ ကတော့ ဗီပုံလည်ပင်းပေါက်သာမက “ကိုယ်နှင့်ကွက်တိကျပြီး တောက်ပသည့် အရောင်များကို နှစ်သက်ခြင်း”သည် လိင်တူချစ်သူလို့ပြောချင်တဲ့ သင်္ကေတဖြစ်သည်ဟု သတိပေး [9]ပြန်သည်။

gay [10]

ဗီပုံလည်ပင်းပေါက် အကျီနဲ့ ယောက်ျားကိုင်အိတ်တွေတာတွေ ခင်ဗျားတို့ကလေးတွေ ဂေးဖြစ်ချင်နေပြီလို့ ပြတာပဲ။

၄။ ပြီးခဲ့သောလက ကိုယ့်အားကိုယ်ကိုး အွန်လိုင်းဝက်(ဘ်)ဆိုက်တစ်ခုသည် အောက်ဖော်ပြပါ အကြောင်းကြောင့် လွှင့်တင်ရန်ခွင့်ပြုချက် [11] မရရှိခဲ့ပေ။

newspapers [12]

သတင်းစာတွေ အရမ်းများရင် မလေးရှားနိုင်ငံသား ခေါင်းရှုပ်ကုန်မှာပေါ့။

၅။ အတိုက်အခံခေါင်းဆောင် အန်ဝါ အီဘရာဟင်က တည်ဆဲအစိုးရ၏ အားကိုးရမှုအား ပိုမို့နှိမ့်ချရန် MH370 [13] အဖြစ်ဆိုးအား အသုံးပြု၍ ရနိုင်မည်ဟု ထင်ခဲ့ပုံရသည်။ သူသာ ပြန်အပြစ်တင်ခံခဲ့ရ [14]သည်။

anwar [15]

MH 370 နှင့်ပတ်သက်၍ ၊ ငါသာဆို တစ်စက္ကန့်အတွင်း ရှာနိုင်တယ်။

၆။ လွှတ်တော်အမတ်တစ်ဦးကမူ ပျောက်ဆုံးသွားသော မလေးရှားလေယာဉ် MH370 ကြောင့် တရုတ်လူမျိုးတို့၏ ဆွေမျိုးများအား အေးချမ်းစေရန် ရည်ရွယ်ပြီး အင်တာနက်အား ဆင်ဆာဖြတ် [16]လိုခဲ့သည်။ ထိုဆွေမျိုးဖြစ်သူတို့ ဒေါသထွက်ရခြင်းမှာ မတည်းဖြတ်ထားသော မီဒီယာအချက်အလက်များကြောင့် ဖြစ်သည်ဟု ပြစ်တင်ပြောဆိုခဲ့သည်။

censor [17]

အင်တာနက်ကို ဆင်ဆာဖြတ်လိုက်ပါ၊ ဒါမှ တရုတ်တွေ ဒေါသမထွက်တော့မှာ။

၇။ ထို အမျိုးသမီးသုံး သန့်စင်ပစ္စည်းများ [18]သည် ကမ္ဘာကြီး၏ ယုတ်မာပျက်ယွင်းသူများ မြစ်ဖျားခံရာဖြစ်ရမည်။

sanitary_pads [19]

အမျိုးသမီးသုံး သန့်စင်ပစ္စည်းတွေကို ကြော်ငြာတာက လူငယ်တွေအပေါ်မှာ လူမှုရေးအရ မကောင်းတဲ့စိတ်တွေ ဝင်သွားအောင် စိုးမိုးနိုင်တယ်။

၈။ မူဆလင်အများစုနေထိုင်သော မလေးရှားနိုင်ငံတွင် မူဆလင်မဟုတ်သူများက ခရစ်ယာန်ဘာသာရှိ ဘုရားသခင်အား အလ္လာဟူသော ဝေါဟာရအားသုံးစွဲ၍ ခေါ်ဝေါ်ခြင်း [20]အား တားမြစ်သော [21] ဥပဒေရှိသည်။

ali [22]

မူဆလင်တွေက အလ္လာနဲ့ တခြား အာရေဗျဘာသာရေး ဝေါဟာရတွေပါတဲ့ သမ္မကျမ်းစာတွေ အကုန်လုံးကို သိမ်းယူပြီး မီးရှို့ပစ်ရမယ်။