အကျပ်အတည်းထဲမှ ဂရပ်(ဖ်)တီ (စာလုံးခြယ်မှုန်းခြင်း အနုပညာ)
ဂရပ်(ဖ်)တီဆိုသောစာလုံးသည် ရေးသားသည်ဟု အဓိပ္ပာယ်ရသော ဂရပ်ဖိန်းဟူသည့် ဂရိစာလုံးမှ ဆင်းသက်လာခြင်းဖြစ်သည်။ ခေတ်သစ်ဂရပ်(ဖ်)တီမှာ နယူးယော့(ခ်)မြို့တော်၌ ၁၉၆၀ပြည့်နှစ်များဝန်းကျင်တွင် စတင်ခဲ့ပြီး ဟစ်(ပ်)ဟော့(ပ်)ဂီတမှ နှလုံးသွင်းခံစားထားခြင်းဖြစ်သည်။ ခြယ်မှုန်းသူအနုပညာရှင်၏ ဂရပ်(ဖ်)တီအရေအတွက်မှာ ၄င်း၏ ဂုဏ်ရည်နှင့်ကျော်ကြားမှုပေါ်တွင် မူတည်နေသည်။
ထိုအနုပညာရပ်မျိုးမှာ တစ်ခါတရံတွင် လူသိမခံရသော်လည်း၊ အာဏာပိုင်များမှာ ဂရပ်(ဖ်)တီများကို ဖျက်ပစ်ရန်အတွက် ငွေကြေးမြောက်မြားစွာ သုံးစွဲရသည်ဆိုသော်လည်း ထိုလမ်းပေါ်ကအနုပညာမှာ အခြားနိုင်ငံများသို့ ပျံ့နှံ့သွားခဲ့ပြီး မြို့ပေါင်းများစွာရှိ မြို့ပြရပ်ဝန်းတွင် လူသိများလာခဲ့သည်။ အချို့မှာ ကိုယ်ရေးကိုယ်တာ စာသားများကို ထင်ရာခြစ်သွားခြင်းများဖြစ်ပြီး အခြားတို့မှာ အနုပညာအစစ်များဖြစ်သည်။ လက်ရှိစီးပွားပျက်ကပ်တွင် ဂရပ်(ဖ်)တီအနုပညာမှာ လူမှုရေးလိုအပ်ချက်အရ အလေ့အထသဖွယ်ဖြစ်လာပြီး ကြိုက်သည်ဖြစ်စေ၊ မကြိုက်သည်ဖြစ်စေ ကျွန်မတို့ နေ့စဉ်ဘဝ၏ တစ်စိတ်တစ်ပိုင်း ဖြစ်လာသည်။
ဖိုဂိုနဇို(စ်) ဘလော့(ဂ်)ကဲ့သို့ ဝက်(ဘ်)စာမျက်နှာပေါင်းများစွာက ထိုလမ်းပေါ်ကအနုပညာအမျိုးအစားကို ခင်းကျင်းပြသရန် ၄င်းတို့၏အကြောင်းအရာများကို အထူးပြုသုံးခဲ့ကြသည်၊ ထိုအနုပညာစုစည်းမှုကို အောက်တွင် တွေ့နိုင်ပါတသည်။
အနာအဆာတွေကို စားပါစေ”ဟု ရေးထားသော နယူးယော့(ခ်)မြို့မှ ဂရပ်(ဖ်)တီ။ ဖလစ်ကာအသုံးပြုသူ အိုမီဆို၏ ဓာတ်ပုံ
ဗင်နီဇွဲလားနိုင်ငံ ကာရာကတ်(စ်)ရှိ အဆောက်အဦးတစ်ခု အပြင်ဘက်တွင် ပိုက်ဆံများ ပံျသန်းနေပုံ။
မန်ချက်စတာမြို့၊ ယူကေတွင် ဆွဲထားသော “လူချမ်းသာတွေနှင့် အာဏာရှင်တွေက ငါတို့ကို ရှုံ့ချတာကို သတင်းဌာနတွေက မိုးရွာနေတယ်လို့ ပြောနေကြတယ်”
လန်ဒန်ရှိ အကျပ်အတည်းများကို အန်ထုတ်နေခြင်း။
(စာရေးသူ ရိုက်ကူးခဲ့သော) အောက်ဖော်ပြပါပုံများသည် စပိန်နိုင်ငံတောင်ပိုင်း၊ ဂရန်ဒါ၌ လမ်းလျှောက်သွားရာတွင် မြင်တွေ့နိုင်သော ဂရပ်(ဖ်)တီလှုုိင်းကို ဖော်ပြနေသည်။ အားကောင်းသော ပုံများနှင့် စာပိုဒ်များက နိုင်ငံ၏ နိုင်ငံရေးနှင့် စီးပွားရေးစနစ်ကို ကိုးကားထားသည်။
တတိယဓာတ်ပုံတွင် PP (စပိန် လူကြိုက်များသော ပါတီ) နှင့် PSOE (စပိန် ဆိုရှယ်လစ် အလုပ်သမားပါတီ)ဟူသော စာလုံးများကို တွေ့ရမည်ဖြစ်သည်။ စပိန်နိုင်ငံ၏ လူသိအများဆုံး နိုင်ငံရေးပါတီနှစ်ခု၏ အတိုကောက်စာလုံးများကို အမှတ်တံဆိပ်တစ်ခုအတွင်းတွင် ထည့်သွင်းထားသည်။ ပါတီနှစ်ခုမှာ အတူတူပင် ဖြစ်သည်ဟု ဆိုလိုရင်းဖြစ်ပြီး နှစ်ပါတီစနစ်ကို ထုတ်ဖော်ပြသနေသည်။ ကြက်များပါသော ရုပ်ပုံကားချပ်အကြီးတစ်ခုကိုလည်း “Gente presa, mercado libre” (လူတွေက လွတ်လပ်တဲ့ဈေးကွက်မှာ အစာရှာထွက်နေကြတယ်) ဟူသော စာတန်းနှင့်အတူ တွေ့ရမည်ဖြစ်သည်။
“ဝမ်းမြောက်စွာ သုံးစွဲခြင်း”
!["In defense of public [education]"](https://es.globalvoicesonline.org/wp-content/uploads/2012/08/P73002692-375x281.jpg "\"In defense of public [education]\"")
“လူထု [ပညာရေး]အတွက် ခုခံကာကွယ်ခြင်း”
“ပညာရေးသည် ရောင်းရန်မဟုတ်”
အယ်လီနာ အရွန်တီ(စ်)၏ ဓာတ်ပုံ
မက်ဒရစ်မြို့တွင် လွန်ခဲ့သော ခုနစ်နှစ်ကျော်မှစ၍ ကဗျာများစတင်ရေးသားခဲ့သော လူသိများသော ဘေ့(ခ်)(စ်)အနုပညာရှင် အယ်(လ်)ဘာတို ဘေ့(စ်)တာရေချာ၏ ဂရပ်(ဖ်)တီများကို မကြာခဏတွေ့နို်ငသည်။ သူသည် မြို့တော်၏ နံရများပေါ်တွင် ထွင်းရေးထားသော ကာရန်အပိုဒ်များ၏ဓာတ်ပုံကို ပြသသည့် နယ်အိုရာဘီအိုဆို နှင့် ဘာတာနီယားဟုခေါ်သော ဘလော့(ဂ်)နှစ်ခု၏ စာရေးသူဖြစ်သည်။ သူ့ကဗျာများသည် တစ်ကို်ယ်ရည်အစွန်းဘက်ကို ဦးတည်လေ့ရှိခြင်း သို့မဟုတ် ၄င်းတို့အတွက် တောင်းဆိုသံများ ပါဝင်နေခြင်းများ ပါလေ့ရှိပြီး အောက်ပါပုံများတွင် တွေ့ရှိနိုင်မည်ဖြစ်သည်။
“¿Confianza o con fianza?” (ယုံကြည်မှုလား ငွေကြေးလား) ၊ ဆန်တန်ဒါဘဏ်၏ နံရံပေါ်ရှိ ကစားထားသော စကားလုံးများ၊ နယ်အိုရာဘီအိုဆို၏ ဓာတ်ပုံ။
“ဘာကို ပေးလွတ်လပ်၊ ဘယ်သူ့ကို ညီအောင်လုပ်ပြီး ဘယ်တော့ ညီအစ်ကို ဖြစ်မှာလဲ” (ကျော်ကြားသော ပြင်သစ်စကားလုံးများဖြစ်သည့် Liberté, Egalité, Fraternitéတို့ကို ကစားထားခြငး်။)
ကမ္ဘာ၏ မည်သည့်အခြမ်းတွင် ဖြစ်စေ၊ အဆောက်အဦးများ၊ ပန်းခြံများနှင့် အိမ်များ၏ အပြင်ဘက်နံရများပေါ်ရှိ ဆေးရေးပုံစံမျိုးစုံကြားတွင် လမ်းလျှောက်သွားရန် လူသွားလမ်းရှိတတ်သည်မှာ ပုံမှန်ပင်ဖြစ်သည်။ သို့ရာတွင် မြို့နံရများကို ကျော်လွန်၍၊ ဂရပ်(ဖ်)တီသည် လမ်းပေါ်ကအနုပညာအဆင့်မှနေ၍ အခြားမီဒီယာအမျိုးအစားများဖြစ်ကြသော ဓာတ်ပုံစာအုပ်များ၊ ဘလော့(ဂ်)များနှင့် ကမ္ဘာလုံးဆိုင်ရာလမ်းပေါ်က အနုပညာကဲ့သို့ ဖေ့(စ်)ဘွတ်(ခ်)စာမျက်နှာများဆီသို့ ရောက်ရှိခဲ့ပြီဖြစ်သည်။
