သတင်းဆောင်းပါးများ ဥပဒေ from စက်တင်ဘာ, 2012
ဂျော်ဒန်၊ လွှတ်တော်က အင်တာနက် ကန့်သတ်ချက်များကို အတည်ပြုလိုက်၍ ညည်းတွားမြည်တွန်သောနေ့
ဒီနေ့[၂၀၁၂၊ စက်တင်ဘာ (၁၂)ရက်နေ့]မှာ အင်တာနက်လွတ်လပ်ခွင့်သေဆုံးတာကို ဝမ်းနည်းကြောင်း ထုတ်ဖော်ဖို့ လွှတ်တော်အပြင်ဘက်မှာ ဈာပနာအခမ်းအနားအတုတစ်ခုကို ဂျော်ဒန်လူမျိုး ကွန်ယက်နိုင်ငံသားတွေက ကျင်းပခဲ့ပါတယ်။ လွှတ်တော်ထဲမှာတော့ ကိုယ်စားလှယ်တွေက လွတ်လပ်စွာထုတ်ဖော်ခွင့်ကို ရပ်တန့်ပစ်မယ့် ပုံနှိပ်ထုတ်ဝေရေးဥပဒေအသစ်ကို အတည်ပြုလိုက်ပါတယ်။
တောင်ကိုးရီးယား၊ ဆမ်ဆောင်း၊ အမျိုးသားချန်ပီယံလား၊ လုပ်ငန်းမိစ္ဆာလား
သေချာတယ်၊ ဆမ်ဆောင်းကို တချို့တွေက အမျိုးသားချန်ပီယံလို့ မြင်ကြလိမ့်မယ်၊ ဒါပေမဲ့ စံပြုလုပ်ငန်းမိစ္ဆာလို့ မြင်မယ့်သူတွေလည်း အများကြီးပဲ၊ နောက်ပြီး အကြောင်းပြချက်မရှိဘဲ အဲလိုမြင်နေတာတော့ မဟုတ်ဘူး[en] အယ်ပဲ(လ်)နဲ့ ဖြစ်နေတဲ့ မူပိုင်ခွင့်အတွက် တရားရင်ဆိုင်မှုစစ်ပွဲမှာ ဆမ်ဆောင်းကို ထောက်ခံအားပေးသူ တောင်ကိုးရီးယားလူမျိုးတွေရှိနေသေးတယ်ဆိုတာကို ပြတဲ့ စစ်တမ်းတစ်ခုအကြောင်း ရောဘတ် ကိုအယ်ဟလာက သူ့ဘလော့(ဂ်)မှာ ရေးသွားတာပါ[en]။ အဲဒီစာနဲ့ပတ်သက်ပြီး စိတ်ဝင်စားဖို့ကောင်းတဲ့ ဆွေးနွေးမှုတွေကို ဒီမှာကလစ်နှိပ်ပြီး[en] ကြည့်နိုင်ပါတယ်။
ပါကစ္စတန်၊ ခရစ်ယာန်ဘာသာဝင် (၁၁)နှစ်သမီးအား ဘုရားသခင်ကို စော်ကားမှုအတွက် ဖမ်းဆီးထိန်းသိမ်း
ကျွန်တော်တို့ ဘုရားသခင်စော်ကားမှု ဥပဒေကို မပြင်နိုင်ပါဘူး။ က၊ လူအုပ်ကြီးက လုံးဝဂရုမစိုက်ဘဲ အကြမ်းဖက်မှုတွေ ပျံ့အောင်လုပ်လိမ့်မယ်၊ ခ၊ ရှီးရားလူသတ်မှုစလာမှာကိုလည်း ရဲတွေက မတားနိုင်ဘူးမဟုတ်လား။ ဘယ်လိုသွားလုပ်ကြမှာလဲ
မော်ရိုကို၊ ရမန်ဒန်တွင် အစားစားသူအား ထောင်ဒဏ်ချမှတ်
ရာဘတ်မြို့မှာရှိတဲ့ တရားရုံးက မူဆလင်တွေရဲ့ ရာမဒန်ဥပုသ်လအတွင်းမှာ လူအများရှေ့ အစာရှောင်ဖို့ ပျက်ကွက်ခဲ့တဲ့အတွက် လူငယ်တစ်ယောက်ကို ထောင်သုံးလချလိုက်ပါတယ်။ “[တစ်ဦးချင်းစီရဲ့ လွတ်လပ်ခွင့်]၊ မဝေးတော့တဲ့ အနာဂတ်မှာ အကာအကွယ်ရဖို့ မျှော်လင့်လို့ မရတဲ့ အခွင့်အရေး” လို့ သတင်းပို့သူ ယာဘီလာဒီ[fr]က ဝမ်းနည်းစွာဆိုပါတယ်။
တောင်ကိုရီးယား၊ အငြင်းပွားဖွယ် အွန်လိုင်းတေးဂီတဗီဒီယို သတ်မှတ်ချက်စနစ် စတင်
တောင်ကိုးရီးယား အာဏာပိုင်များက အွန်လိုင်းပေါ်တင်တဲ့ ဂီတဗီဒီယိုတွေအတွက် အဆင့်သတ်မှတ်ချက် စနစ်အသစ်တစ်ခုကို စတင်လိုက်ပါတယ်။ ဒီဥပဒေအသစ်က ဂီတဗီဒီယိုတိုင်း (ဒါမှမဟုတ် အရောင်းမြှင့်တင်ရေး ဗီဒီယိုတိုင်း)နဲ့ ရုပ်ရှင်ထွေလာတွေကိုတောင် မတင်ခင် အဆင့်သတ်မှတ်ဖို့လိုတယ်လို့ ဆိုပါတယ်။ ဒီလိုလုပ်ဖို့ ပျက်ကွက်ရင် ထောင်ဒဏ်နှစ်နှစ် ဒါမှမဟုတ် အတော်ကြီးတဲ့ ဒဏ်ကြေးငွေကို ပေးဆောင်ရနိုင်ပါတယ်။
